Musique / Maloya - Séga / Fonnkèr

Par les Éditions K’A

Kabar pou lanivèrsèr K’A

Lé fé an oktob anndan la sominn kréol. Pou mèt an lèr fonnkèr lo fagotèr liv K’A in sort. Tout
fonnkézèr K’A lé la pou mèt an lèr la lang kréol Larényon. Kosté sanm lo bann lotèr K’A nana in lantouraz pintad, kissa lé fonnkézèr, kissa lé zouèr la misik, kissa i fé zéd’rol ; lé la pou mèt ansanm pou lo kréol Larényon. Dabor inn nana in mèt de Kabar lé la pou fé prann la soss, pou pass la parol. Apréssa nana dé fasson éspasé soit i mèt an lèr in fonnkézèr alor la tout zinvité i di in tèks oubiensa in kozé ou in shanté dosi li. Soit lé in Kabar détaké la shankinn i di sak li vé.
Lo 30 oktob sé in randévou pou tash manièr mèt lambians pou lanivèrsèr vin lané zédision K’A - pou sak té la kabar lané dèrnière, i souvien koman sa té valab !
Dann Kabar K’A lanivèrsèr la, nora ossi Andrè Robèr.
Ali minm la fabrik lé zédision K’A sanm son dalon Carpanin Marimoutou. André Robèr, dizon in lartis total kapital i zwé èk lo mo, Tel un requin dans les mers chaudes, an grinn, li la poz son Lékritir lot koté la mèr dann in Zékli zékla Fonnkèr pou lo zié...
Lantouraz pintad Kabar K’A  : André Robèr (rèzman !), Patrice Treuthardt, Kaloune, Julien Blaine, Sully Andoche, Nelly Cazal, Lolita Tergémina… èk in takon dalon …


Avec André Robèr Carpanin Marimoutou Sully Andoche Babou B’Jalah Zanmari Baré Julien Blaine Dominique Carrère Nelly Cazal Hasawa Emmanuelle Juillerot Kaloune Claire Karm Mikael Kourto Francky Lauret Barbara Robert Monique Séverin Lolita Tergemina Patrice Treuthardt Danyèl Waro Didier Ibao Vincent Fontano